Հայաստանում հիմնանորոգվել և շահագործման է հանձնվել կորոնավիրուսի կամ միջազգային չափանիշներին համապատասխան այլ հատուկ վտանգավոր վարակների ժամանակ դիահերձումները կազմակերպելու համար նախատեսված դիահերձարանը:
Medmedia.am ը կապ հաստատեց ԱՆ-ի մամուլի պատասխանատու Ալինա Նիկողոսյանի հետ, հասկանալու համար՝ դիահերձարան տեղափոխվելու են բոլոր նրանք, ովքեր մահացել են covid-19 ից, թե՞ միայն Կոտայքի մարզին մոտ բնակիչների համար է նախատեսված։ Մամուլի պատասխանատուն ասաց, որ այո՛, բնականաբար այնտեղ են տեղափոխելու։ Հարցին, թե ո՞վ է իրականացնելու տեղափոխությունը Ալինան ասաց, որ տեղյակ չի հարցում ուղարկենք։ Մամուլի պատասխանատուից փորձեցինք նաև պարզել, թե Կոտայքի մարզի ո՞ր տարածքում է գտնվում դիահերձարանը ստացանք նույն պատասխանը՝ տեղյակ չեմ հարցում ուղարկեք։ Վերջինս մեր հարցումների պատասխանեց հակիրճ, որևէ ինֆորմացիա չտալով։
Հասմիկ Գասպարյան
