«Վրաստանում սպասվում է կորոնավիրուսով վարակվածության աճ, մասնավորապես, հիվանդների ամենօրյա աճ աշնանը»: Այդ մասին լրագրողներին հայտնել է առողջապահության նախարար Եկատերինա Տիկարաձեն:
«Վարակվածների թվի աճ է սպասվում ոչ միայն Վրաստանում, այլև աշխարհի այլ երկրներում: Մենք չենք թաքցրել այդ տեղեկատվությունը հասարակությունից ՝ հիմնվելով այն բանի վրա, որ սպասվում է երկրորդ ալիք և վիճակագրության աճ: Մենք ամեն օր մեր քաղաքացիներին հորդորում ենք պահպանել արդեն հայտնի առաջարկությունները, քանի որ մենք դեռ երկար ժամանակ ստիպված կլինենք ապրել կորոնավիրուսի հետ»,- ասել է Տիկարաձեն:
Վրաստանում, համաճարակի սկզբից մինչ օրս լաբորատոր հաստատվել է կորոնավիրուսային վարակի 1264 դեպք: Ապաքինվածների ընդհանուր թիվը 1054 է, որից 44-ը՝ վերջին մեկ օրվա ընթացքում: Դա Վրաստանի համար ռեկորդային ցուցանիշ է: Բացի այդ, 17 հիվանդ մահացել է կորոնավիրուսի հետևանքով առաջացած բարդություններից:
Նախօրեին Սվանեթիում ավելի քան 500 քաղաքացի տեղափոխվել է կարանտինային գոտի` տեղակայելով Մեստիայի քաղաքապետարանի 20 հյուրանոցներում: օգոստոսի 10-ին նրանցից 17-ի մոտ հայտնաբերվել է կորոնավիրուս: Համաճարակաբաններն ավելի ուշ պարզել էին, որ վարակված բնակիչները, նույն ընտանիքի անդամներ էին և վարակվել էին հյուրից:
Քիչ առաջ Վրաստանի Առաջին ալիքը հայտնել է , որ Հիվանդությունների վերահսկման ազգային կենտրոնի ղեկավար Ամիրան Գամկրելիձեի հայտարարությամբ՝ Սվանեթիում նախատեսվում է մինչև 4000 մարդու կորոնավիրուսի փորձարկումներ անցկացնել:
