«Սպուտնիկ 1»-ն ամբողջ աշխարհում ակտիվացրել է տիեզերական հետազոտություները։ Կորոնավիրուսի դեմ նոր ռուսական պատվաստանյութը միջազգային հանրության համար նման նշանակություն ունի, ուստի՝ այս համեմատության արդյունքում էլ այն «Սպուտնիկ 5» անվանումն է ստացել»,- ասվում է անվան ընտրության բացատրության մեջ:
Նշվում է նաև, որ ադենովիրուսային վեկտորի հիմքով ռուսական այս պատվաստանյութն օգոստոսի 11-ին գրանցվել է ՌԴ առողջապահության նախարարության կողմից և դարձել աշխարհում նոր տեսակի կորոնավիրուսի դեմ առաջին գրանցված պատվաստանյութը։
Հայտնի է, որ հատուկ այս պատվաստանյութի համար պատրաստված կայքի նպատակն էլ «Սպուտնիկ 5»-ի մասին մանրամասն տեղեկության տարածումն ու դրա մասին ապատեղեկատվության դեմ պայքարն է։
Ինչպես ավելի վաղ հաղորդել էր Tert.am-ը, ՌԴ նախագահ Վլադիմիր Պուտինն այսօր հայտարարել է, որ Ռուսաստանը գրանցել է կորոնավիրուսի դեմ աշխարհում առաջին պատվաստանյութը:
Նոր տեսակի կորոնավիրուսով վարակվածների թիվն ամբողջ աշխարհում 20 259 564 է, մահացել է 739 212 մարդ: Առողջապահության համաշխարհային կազմակերպությունը կորոնավիրուսի համավարակ է հայտարարել մարտի 11-ին: Վիրուսը տարածվել է 213 երկրում:
