Համաձայն պարբերաբար իրականացվող ուսումնասիրությունների՝ Եվրոպայում ավելորդ քաշն ու ճարպակալությունը բարձր տարածվածություն ունեն երեխաների շրջանում:
— Փոքր տարիքում ճարպակալումը 21-րդ դարի ամենալուրջ խնդիրներից է հանրային առողջության ոլորտում,- ասել է ուսումնասիրության հեղինակ, Իսպանիայի Քուենա քաղաքում գործող Universidad de Castilla-La Mancha- ի դոկտոր Միրիամ Գարիդո-Միգելը: Նրա խոսքով խնդիրն ունի համաշխարհային տարածում, և հիմնականում ազդում է նաև ցածր և միջին զարգացվածություն ունեցող շատ երկրների վրա:
Դոկտոր Միրիամ Գարիդո-Միգելի կատարած ուսումնասիրությունը ներառել է շուրջ 103 հետազոտություն՝ կատարված 29 երկրներում: Հարցումներին մասնակցել է 477,000 երեխա տվյալ 29 երկրներից:
Հավելենք, որ ավելորդ քաշի և ճարպակալման ընդհանուր տարածվածությունը 1999-2006 թվականներին 20.6% –ից աճել է մինչև 21.3%: 1999-ից 2006 թվականներին ամենաքիչ ճարպակալման խախկույթ ունեցել են Բելգիան և Նիդեռլանդները ՝ համապատասխանաբար 9% և 10.2%, իսկ ամենից ավելորդ քաշը առավել տարածված էր Հունաստանում (40.8%) և Իսպանիայում (31.9%):
Ուսումնասիրությունից պարզ է դառնում, որ 2007-2010 ֆինանսական ճգնաժամի ընթացքում հարավային Եվրոպայի մի շարք երկրներ ավելորդ քաշի և ճարպակալման աճ են արձանագրել:
Նյութի աղբյուրը՝ https://www.medscape.com/viewarticle/916493
