Երեխայի զարգացումը չնայած, որ խիստ անհատական է, սակայն կան տարիների ընթացքում ու գիատականորեն հաստատված ստանդարտներ, որոնք միանշանակ են բոլոր բալիկների համար: Ըստ մասնագետների երեխայի թոթովանքը սկսվում է 3-5 ամսական ժամանակահատվածում, իսկ ե՞րբ պետք է սկսի խոսել երեխան, MedMedia.am-ը հետաքրքրվել է լոգոպեդ Սոնա Սարգսյանից: «Խոսել ասվածը մի քիչ հարաբերական է, որովհետև հենց թոթովանքի շրջանից սկսած խոսքը արդեն զարգանում է, առաջին բառերը երեխան սկսում է ասել 9-10 ամսականից սկսած, 2 տարեկանում մոտավորապես արդեն ձևավորվում է ֆրազային խոսքը, իսկ 3 երեխան արդեն կապակցված խոսում է»,-մանրամասնեց մասնագետը և ավելացրեց. «Չնայած ինչպես վիճակագրությունն է ցույց տալիս երեխաները սկսել էլ ավելի ուշ խոսել, ինչը հիմականում կապում եմ նորագույն տեխնոլոգիաների և բազմալեզվության հետ, երբ երեխան լսում է դեռ մայրենի լեզուն չձևավորված ժամանակ»: Հիմականում, լոգոպեդի փաստմամբ, կարելի է մինչև 1.5 -2 տարեկանը սպասել, երբ դեռ երեխան չի խոսում, սակայն մի քանի բառ ամեն դեպքում կարողանում է արտաբերել և ընկալման մակարդակը համապատասխանում է տարիքին: «Իսկ երբ երեխան չի հասկանում ուղղված խոսքը դա արդեն անհանգստանալու պատճառ է: Իսկ շուտ խոսելու համար էլ միայն պետք է ուրախ լինել»,-ասաց Սոնա Սարգսյանն ու առանձնացրեց լոգոպեդին անհապաղ դիմելու հետևյալ իրավիճակները.
- Երեխան 2 տարեկան է և դեռևս ոչ մի բառ չի արտաբերում և ուղղված խոսքի ընկալման մակարդակը ցածր է
- Հնչարտաբերման խանգարումներ և նախադասութուն կազմելու անկարողություն,
- Դժվարություններ գրելիս, կարդալիս, լեզվի կիրառման ժամանակ,
- Մայրենի լեզվի տիրապետման խնդիրներ պայմանավորված երկլեզվությամբ կամ բազմալեզվությամբ,
- Երեխան խոսում է, միևնույն ժամանակ, բառում կատարելով վանկային տեղափոխություններ, որոնք մշտական բնույթ են կրում,
- Երեխան խոսում է խոսքային «պատառիկներով»
- Խոսքի տեմպի և ռիթմի ջղաձգային խանգարումների` կակազություն դեպքում
- Արագախոսության և դանդաղախոսության դեպքում
- Երբ երեխան ունի ՄՈՒԿ (մանկական ուղեղային կաթված)
- Երբ երեխայի խոսքը չի համապատասխանում տարիքին
- Երբ երեխան ունի փափուկ և կոշտ քիմքի ճեղքվածքներ
- Երբ երեխայն ունի ձայնի հետ կապված խնդիրներ
- Երբ երեխան ունեցել է խոսք, իսկ հետագայում ինչ-ինչ պատճառներով դադարել է խոսել և այլն:
