ԱՄՆ նախագահ Դոնալդ Թրամփը կանխատեսել է, որ կորոնավիրուսի դեմ պատվաստանյութը կարող է հայտնվել մինչեւ նոյեմբերի 3-ը տեղի ունենալիք նախագահական ընտրությունները։ Այս մասին հայտնում է Reuters լրատվական գործակալությունը։ Ըստ հաղորդման, այս մասին ԱՄՆ նախագահը ասել է լրագրող Հերալդո Ռիվյերայի հետ ռադիոհարցազրույցի ընթացքում։ Նշենք, որ ավելի վաղ շատ մասնագետներ մտավախություն են հայտնել, որ Թրամփի ազդեցությունը բավական մեծ է պատվաստանյութի՝ հնարավորինս արագ շուկայում հայտնվելու եւ պրակտիկայում կիրառվել սկսելու պրոցեսի վրա։