Կառավարության 3-րդ մասնաշենքի մոտ, այսօր, օգոստոսի 5-ին, խառնաշփոթ էր։ Մի խումբ մարդիկ բողոքում էին առողջապահական համակարգում առկա բացթողումների, կորոնավիրուսի համավարակի դեմ տարվող պայքարի և պատվաստումների դեմ։ Հավաքվածները վստահ են, թե պատվաստումները միտումնավոր մարդկանց առողջությունը վտանգելու համար է, իսկ ահա կորոնավիրուսի դեմ պայքարում գործածվող գործիքակազմը սխալ է և միտում ունի հանրությանը կործանելու։
«Առողջ հանրություն» ՀԿ նախագահ Մարինա Խաչատրյանը, չհասցրեց անգամ ավարտին հասցնել լրագրողների հետ զրույցը, մոտեցան ոստիկանները և բերման ենթարկեցին․․․
Համընդհանուր խառնաշփոթի մեջ տուգանվեցին նաև դիմակ կրելու կարգը խախտողները, քաղաքացին բացատրում է, ծխում եմ, իսկ ոստիկանը ասում՝ երկար ես ծխում ։
Մինչ առողջապահական համակարգի բացերով խիստ անհանգիստ մարդիկ իրենց բողոքի ձայնն են բարձրացնում, ոստիկանական ուժերը ժամանակը զուր չեն վատնում, ընդվզողներին սպասվում է նույն ճակատագիրը։
Մանրամասները՝ տեսանյութում
Սյուզի Ասատրյան
