Չինացի հաքերներն ավելի վաղ այս տարի թիրախավորել են Նուբար Աֆեյանին պատկանող Moderna Inc կենսատեխնոլոգիական ընկերությունը, որը զբաղվում է կորոնավիրուսի դեմ պատվաստանյութի մշակմամբ, հաղորդում է Reuters-ը՝ հղում անելով ԱՄՆ անվտանգության ծառայության աշխատակցին, որը հետեւում է չինացի հաքերների գործունեությանը:
Անցած շաբաթ ԱՄՆ արդարադատության նախարարությունը մեղադրական եզրակացություն է հրապարակել, որում լրտեսության մեջ է մեղադրել Չինաստանի 2 քաղաքացու: Փաստաթղթում ասվում է, որ նրանք հետախուզական գործունեություն են ծավալել Մասաչուսեթսի կենսատեխնոլոգիական ընկերության նկատմամբ, որը հունվարին աշխատել է կորոնավիրուսի դեմ պատվաստանյութի մշակմամբ:
Չինաստանը հերքել է մեղադրանքները՝ դրանք անհիմն անվանելով: «Չինաստանը տեխնոլոգիաներ գողանալու կարիք չունի եւ դրանով չի զբաղվում»,-ասել է ՉԺՀ ԱԳՆ ներկայացուցիչ Վան Վենբինը:
