Գյումրիում՝ 8-րդ զինվորական թաղամասի շենքերից մեկի 4-րդ հարկից 6 տարեկան երեխա է ընկել: Երեխային նախ տեղափոխել են Գյումրիի «Մոր և մանկան ավստրիական հիվանդանոց, այնուհետև՝ Երևանի «Սուրբ Աստվածամայր» բ/կ: Այս մասին MedMedia-ին հայտնեց բժշկական կենտրոնի մամուլի խոսնակ Գևորգ Դերձյանը։
«Երեխան ունի զուգակցված վնասվածքներ, գանգի թաղի կոտրվածք, ներուղեղային արյունահոսություն, կրծքավանդակի սալջարդ, ողերի կոմպրեսիոն կոտրվածքներ, որովայնի սալջարդ և այլ վնասվածքներ։ Վիճակը գնահատվում է ծայրահեղ ծանր: Կոմայի մեջ է, միացված է արհետական շնչառության սարք»,-նշեց Դերձյանը՝ հավելելով, որ երեխան վերակենդանացման բաժանմունքում է։
Դերձյանը նաև տեղեկացրեց, որ դեպքը տեղի է ունեցել երեկ կեսօրին, իսկ երեխան բ/կ է տեղափոխվել երեկ երեկոյան։