Կառավարության այօրվա նիստում հավանության է արժանացել Առողջապահության նախարարության կողմից ներկայացված առաջարկը: Փոփոխություն կատարելով «Հայաստանի Հանրապետության կա րիքների համար դիաբետոն 60 մգ դեղի գնման 2015-2019 թվականների գործընթացը կազմակերպելու մասին» որոշման մեջ` 2 տարի ժամկետով երկարաձգվել է «Դիաբետոն 60 մգ» դեղի գնման գործընթացը: Այս մասին տեղեկացնում է Առողջապահության նախարարության տեղեկատվության և հասարակայնության հետ կապերի բաժինը:
Այսպիսով, Շաքարային դիաբետով հիվանդները 2020-2021 թվականներին ևս պատշաճ կերպով և անխափան կապահովվեն ֆրանսիական «Լե Լաբողատուաղ Սեղվիե» ընկերության արտադրության «Դիաբետոն ՄՌ 60-ի (գլիկլազիդ)» դեղով:
Հետաքրքրական է այն հանգամանքը, որ «Լե Լաբողատուաղ Սեղվիե» ընկերության տնօրենը հանդիսանում է.
- Նախարար Արսեն Թորոսյանի հրամանով ձեւավորված Դեղերի և բժշկական տեխնոլոգիաների փորձագիտական կենտրոնի տնօրենների խորհուրդի անդամ
- ՀՀ ԱՆ Առողջապահության ազգային ինստիտուտի «Ֆարմացիայի և Մարկետինգ» ամբիոնի վարիչ
- Նրա նկարով տպագրվել են բազմաթիվ նախազգուշացնող պաստառներ, որոնք տարածվել են Երևանի պոլիկլինիկաներում
- Նա մասնակցում է նախարարության կողմից իրականացվող տարբեր պետական ծրագրերի. օրինակ՝ «Առողջ Ապրելու Իմ Քայլը»:
Նկարները կից՝
Հիշեցնենք, որ վերոհիշյալ ընկերության աշխատակիցները նկարահանվել են Հայաստանում հակածխախոտային պայքարի քարոզչության համար նախատեսված տեսահոլովակում, որը համացանց ներբեռնվելուց մի քանի ժամ անց ջնջվել է. դրա պատճառներից մեկը սուր քննադատությունն է եղել համացանցում՝ կապված տեսահոլովակի բովանդակությանն ու ուղղվածությանը: տեսահոլովակում նկարահանված աղջիկների նկարներով նույնպես տպագրվել են բազմաթիվ նախազգուշացնող պաստառներ, որոնք տարածվել են Երևանի պոլիկլինիկաներում:
Տեսահոլովակը կարող եք դիտել հղումով՝ https://www.facebook.com/grigoryangev/videos/10215754259157296/
Հավելենք, որ տեսահոլովակը նկարահանել է նախարարի մտերիմ Դավիթ Պետրոսյանին պատկանող «Health media» ընկերությունը:
Բոլորիս հայտնի է թե պետական գնումների միջոցով ինչպես է աճում պաշտոնյայի սև եկամուտը «ատկատային» մեխանիզմով: Հարց է առաջանում՝ արդյո՞ք ԽԾԲ-ընկեր շրջապտույտով նախարարը չի նպաստում հերթական կոռուպցիոն ռիսկի շրջանառմանը:
