Արտաշատի բժշկական կենտրոնի երրորդ հարկից իրեն ցած նետած՝ կորոնավիրուսային հիվանդության դեմ բուժում ստացող 55-ամյա կնոջ վիճակը շարունակում է ծանր մնալ։ Այս մասին MedMedia-ի հետ զրույցում ասաց «Սուրբ Գրիգոր Լուսավորիչ» ԲԿ-ի մամուլի պատասխանատու Ծովինար Խաչատրյանը։
«Կնոջ առողջական վիճակը դեռ ծանր է, բայց գիտակցությունը տեղն է։ Հիվանդը երկկողմանի թոքաբորբ է։ Եթե վճակը չվատթարանա՝ հաջորդ շաբաթ նախատեսում ենք վիրահատել»,-հայտնեց մամուլի խոսնակը։
Խաչատրյանը կնոջ հոգեկան առողջության վերաբերյալ մանրամասներ չհայտնեց՝ նշելով, որ դա անձնական գաղտնիք է։ Նշենք, որ մեր տեղեկություներով, կինը մի քանի անգամ ինքնասպանության փորձեր է կատարել։
Մամուլի խոսնակը նաև տեղեկացրեց, որ ընտանիքի անդամները պարբերաբար հետաքրվում են կնոջ առոջական վիճակով։
Ոստիկանության մամուլի ծառայությունից մեզ հայտնեցին, որ դեպքի առիթով նախապատրաստվում են նյութեր։
Լուսինե Մարդոյան
