Մինչև մայիսը ներառյալ Հայաստանում մահացության ամսական ցուցանիշները չին գերազանցում նախորդ տարվա նույն ամիսների ցուցանիշներին՝ չնայած կորոնավիրուսին։ Այս մասին այսօրվա ճեպազրույցի ժամանակ հայտարարեց վարչապետ Նիկոլ Փաշինյանը։
Նա նշեց, որ վիճակագրությունը փոխվել է հունիս ամսվա ընթացքում․ 2020 թվականի հունիսին մահացածների թիվը 30 տոկոսով ավելի է, քանի 2019-ի հունիսին մահացածներինը։ Փաշինյանը ասաց, որ վիճակագրության փոփոխությունը ամբողջությամբ կապված չէ հենց կորոնավիրուսի հետ, բայց վիրուսը էականորեն նպաստում է դրան։
Փաշինյանի խոսքով՝ կառավարությունը հույսը դնում է բոլորի անհատական վարքագծի փոփոխության վրա։ Նա պնդում է, որ դա է այն տարբերակը, որով կարելի է վիճակը հաղթահարել առանց տնտեսական կորուստների։