Փաստորեն այս «հակածխախոտային» օրենքի վիճակը բավականին բարդ է:
Այնքան բարդ է, որ գործի են լծվել Հայաստանի Ամերիկյան Համալսարանի դեկանատի աշխատակիցները:
Իմ ունեցած տեղեկություններով, Հայաստանի Ամերիկյան Համալսարանի Հանրային Առողջության ֆակուլտետի դեկանը «շրջաբերական» նամակ է ուղարկել իր ուսանողներին և շրջանավարտներին` խնդրելով նրանց հանդիպել պատգամավորների հետ և (ցիտում եմ) «օգտագործել պատգամավորների հետ քննարկելու բոլոր հնարավորություները և ընդգծել նախագծի առողջապահական և տնտեսական դրական ազդեցությունը»:
Նման բան չէի տեսել ու չէի լսել:
Տհաճ է գիտակցել, որ բարձր վարկանիշ ունեցող համալսարանը նման կերպ է «օգտագործում» իր շրջանավարտներին… Ավելի տհաճ է, որ «համալսարանների ապաքաղաքական լինելու» ջատագովները սա հանդուրժում են:
Ինչևիցե… հույսով եմ, որ նույնիսկ այս մանիպուլացիային չեն տրվի պատգամավորները և կշարունակեն ծխախոտի դեմ պայքարել փաստարկված, գիտական մոտեցումներով ու չեն վնասի մեր աններդրում տնտեսությանը:
Հստակ է մի բան` եթե օրենքը լիներ նորմալ գրված, զերծ լիներ կոռուպցիոն ռիսկերից, լիներ գիտական փաստարկված, լիներ վերահսկելի և իրագործելի, ապա ոմանք նման քայլերի չէին գնա:
Այս նախագիծը կարող եմ որակել որպես անձնական շահերի հետապնդում:
Գրառումը կարդացեք նաև՝ https://m.facebook.com/story.php?story_fbid=10215978521243708&id=1468117850
