ԱԺ առողջապահության հարցերի հանձնաժողովի ղեկավար Նարեկ Զեյնալյանը այսօր լրագրողների հետ զրույցում հերքեց տարածված պնդումը, թե ինքը հակասություններ ունի առողջապահության նախարար Արսեն Թորոսյանի հետ։
«Միանշանակ, ո՛չ,- ասաց Զեյնալյանը՝ նկատի ունենալով, որ որևէ հակասություն չունի,- մենք մի կուսակցության անդամ ենք, թիմակիցներ ենք։ Լինում են որոշ հարցերի շուրջ տարաձայնություններ, որոշ հարցերի շուրջ համաձայնություններ։ Սա նորմալ աշխատանքային մթնոլորտ է»։
