«Սիրիայում կորոնավիրուսով վարակվածների թիվը քիչ է, բայց առաջիկայում նոր դեպքերի կտրուկ աճի վտանգ կա»,- ՄԱԿ-ի Ժնևի գրասենյակում օտարերկրյա թղթակիցների հետ ճեպազրույցում ասել է Արևելյա-միջերկրածովյան տարածաշրջանում Առողջապահության համաշխարհային կազմակերպության տնօրեն Ռիչարդ Բրեննան:
Ըստ նրա, երկրում այս պահին կա ընդամենը 248 դեպք:
«Բայց մենք վստահ չենք դրանում: Տարածաշրջանի մյուս երկրներում դեպքերի թիվը սկզբում դանդաղորեն աճեց, այնուհետև կտրուկ ավելացավ: Մենք դա տեսանք Իրաքում, Թուրքիայում, Եգիպտոսում: Եվ մենք միանշանակ ակնկալում ենք, որ նմանատիպ խնդիր կունենանք նաև Սիրիայում»,- Ռիչարդ Բրեննանի խոսքը ցիտել է «ՌԻԱ նովոստի»-ն:
Նրա խոսքով, Սիրիայում դեռ հնարավոր է կանխել COVID-19-ի կտրուկ աճը՝ օգնելով իշխանություններին թեստեր անցկացնել և հիվանդների հետ կոնտակտ ունեցող անձանց հետևել:
