Լատինական Ամերիկայում կորոնավիրուսից մահվան դեպքերի թիվը գերազանցել է 100 հազարը, հայտնում է Reuters-ը:
Վերջին շաբաթների ընթացքում աշխարհամասը վերածվել է կորոնավիրուսի էպիկենտրոնի՝ աշխարհի բազմաթից երկրներում համաճարակային իրավիճակի շարունակական լավացման պայմաններում:
Լատինաամերիկյան երկրներից օրակական հաստատվող նոր դեպքերի թվով ռեկորդակիրը Մեքսիկան է՝ հունիսի 23-ին գրանցվել է վարակման 6.228 նոր դեպք, մահացել է ևս 793 մարդ: Այդպիսով՝ ընդհանուր առմամբ երկրում վարակման 191.410 նոր դեպք է գրանցվել, մահացել է 23.377 մարդ:
Համաճարակային իրավիճակն ամենից շատ ծանր է Բրազիլիայում, որտեղ վերջին 24 ժամում վարակման 39.436 նոր դեպք է գրանցվել, մահացել է 1.374 մարդ: Ընհանուր առմամբ, Բրազիլիայում մինչ այժմ շուրջ 52 հազար մարդ է մահացել, իսկ վարակվածների թիվն ավելի քան 1 միլիոն 100 հազար է:
Վարակի տարածման տեմպերն արագանում են Կենտրոնական Ամերիկայի երկրներում:
