Երևանի քաղաքապետարանի «Թիվ 19 պոլիկլինիկա» -ում աշխատող մանկաբարձ-գինեկոլոգ Մարինե Վիրաբյանը հոկտեմբերի 11-ին ստացել է ծանուցում տնօրենի կողմից այն մասին, որ ազատված է աշխատանքից սույն ամսի 14 -ով:
Բժշկուհու խոսքով տնօրենը հեռացրել է իրեն աշխատանքից մեկնաբանելով, որ մանկական գինեկոլոգի լիցենզիա չուի և ըստ նախարարի ստորագրած հրամամանի ( No 2797 – Ա ) նեղ մասնագետները պետք է ստանան նեղ մասնագիտացում:
Մարինա Վիրաբյանի խոսքով իր նկատմամաբ անարդարացի որոշում է կայացվել, քանի որ ինքն ունի նաև մանկաբարձ-գինեկոլոգի մասնագիտացում , սակայն իրեն հեռացնում են և´ մանկական, և´մեծահասակների գինեկոլոգի աշխատանքից:
«Ինձ հետ միասին հեռացվել է նաև մանկական ակնաբուժը, սակայն ես վստահ եմ, որ նրան կվերականգնեն, որովհետև իմ նման ակտիվիստ չի»- նշում է Մարինե Վիրաբյանը:
Հավելենք, որ խոսքը 2018 թվականի հունիս ամսին նույն պոլիկլինիկայի աշխատակիցների կողմից հայտարարված գործադուլի մասին է, որի ակտիվ մասնակից է եղել Մարինե Վիրաբյանը:
Medmedia-ն կապ հաստատեց Առողջապահության նախարարության հետ: Տեղեկացրին, որ դեպքի մասին տեղյակ են տարածելու են պարզաբանում:
Ըստ նախարարության տարածած պարզաբանման՝ 2017 թվականի հուլիսի 24-ին «ԹԻՎ 19 ՊՈԼԻԿԼԻՆԻԿԱ» ՓԲԸ-ին առողջապահության նախարարության կողմից տրամադրվել է N Կ-ԲՕ-002295 բժշկական օգնության և սպասարկման լիցենզիա:
Լիցենզավորվելուց հետո գործունեությունը սկսելուց 5 օր առաջ կազմակերպության կողմից չեն ներկայացվել կադրային փաստաթղթերը, այդ իսկ պատճառով 2019 թվականի հոկտեմբերի 4-ին առողջապահության նախարարի թիվ No 2797 – Ա հրամանով կասեցվել են լիցենզիայով նախատեսված արտահիվանդանոցային` մանկական քիթ-կոկորդ-ականջաբանական, մանկական ակնաբանական, մանկական սրտաբանական, մանկական գինեկոլոգիական, մանկական նյարդաբանական, մանկական ներզատաբանական, մանկական վիրաբուժական տեսակների գործունեությունը: Պարզաբանումը առավել մանրամասն կարդացեք՝ http://bit.ly/2BpLX01
Մենք նաև փորձեցինք կապ հաստատել Թիվ 19 պոլիկլինիկայի տնօրինության հետ, սակայն տեղեկացրին, որ տնօրենը խորհրդակցության է, զանգահարենք ավելի ուշ: Պոլիկլինիկայից դեռևս ոչ մի պարզաբանում չենք ստացել:
Medmedia-ն հետևողական է լինելու դեպքի լուսաբանմանը: Կտրվի հավելյալ տեղեկատվություն:
