Միացյալ Նահանգներում կորոնավիրուսից մահացել են ավելի քան 50 տարի միասին ապրած ամուսինները` 72-ամյա Ջերի եւ Ֆրենսիս Ուիլյամսոնները: Նրանք հեռացել են կյանքից վեց րոպե տարբերությամբ` իրար ձեռք բռնած:
Նրանք վարակվել էին կորոնավիրուսով ծովային նավարկության ժամանակ: Զույգը տեղափոխվել էր Միսիսիպի նահանգի Գալֆպորտ քաղաքի հիվանդանոց, որտեղ միացվել էին թոքերի արհեստական օդափոխության սարքերին, հայտնում է Metro- ն:
Հաշվի առնելով մեկուսացման խիստ կանոնները` համար նրանց հուղարկավորության արարողությունն ընկերների ու բարեկամների համար երկուշաբթի առավոտյան հեռարձակվել էր Facebook սոցիալական ցանցում:
Նրանց քահանան` հովիվ Ռիկ Քլարկն ասել է, որ Ուիլյամսոն ամուսինների կյանքը կարելի է բնութագրել մի բառով` սեր: Ջերի Ուիլյամսոնը երկար ժամանակ ծառայել է ԱՄՆ ռազմածովային ուժերում, իսկ նրա կինը աշխատում էր որպես բժիշկ: Երկուսն էլ թոշակի էին անցել: Նրանք երկու երեխա, ութ թոռ եւ 12 ծոռ ունեն:
