Մոսկվայի առողջապահության վարչության մասնագետները խորհուրդ են տվել ախտահանել սանիտարական պարագաներն ու այն ոչ ակնհայտ առարակները, որոնք կանոնավոր կերպով օգտագործվում են կորոնավիրուսի համավարակի ժամանակ: Այս մասին հայտնում է РИА Новости-ն՝ մեջբերելով գերատեսչության հաղորդագրությունը:
«Մենք մի քանի առարկաներ ենք հավաքել, որոնց հետ մեզանից յուրաքանչյուրը հաճախ է շփվում օրվա ընթացքում, և որոնք անհրաժեշտ է պարբերաբար ախտահանել: Առաջին տեղում ախտահանիչ պարագաներն են, որոնք նույնպես ախտահանման կարիք ունեն, քանի որ նույնպես տարատեսակ մանրէների օջախ են դառնում: Մենք դրանք վերցնում ենք կեղտոտ ձեռքերով և դնում ոչ ախտահանված վայրերում: Այնպես որ անհրաժեշտ է ձեռքերի հետ մեկտեղ ախտահանել նաև ախտահանիչ միջոցի տարաները»,- ասվում է հաղորդագրության մեջ:
Նշվում է, որ ախտահանման ենթակա առարկաներից են նաև ժամացույցը, ժամացույցի գոտին, որը նույնպես օրվա ընթացքում մանրէներ է հավաքում:
Մասնագետները խորհուրդ են տալիս չմոռանալ պարբերաբար ախտահանիչ միջոցով մշակել տնային կենդանիների վզաթոկերը, ինչպես նաև ամեն անգամ զբոսանքից հետո լվանալ կենդանիների թաթերը:
Անհրաժեշտ է ուշադրություն դարձնել նաև լիցքավորման սարքերի մաքրությանը: Դրանց համար կարելի է կիրառել սպիրտով անձեռոցիկները:
Մյուս իրը, որը հայտնվում է տարբեր վայրերում և ունի ախտահանման կարիք, բանալին է: Նշվում է, որ ախտահանման կարիք ունի նաև հեռուստացույցի հեռակառավարման վահանակը:
Աղբյուրը՝ Tert.am
