Հանրային ծառայությունները կարգավորող հանձաժողովը և պարետատունը հայտարարել են, որ մինչև արտակարգ դրության ավարտը քաղաքացիներին մատակարարվող էլեկտրաէներգիայի, բնական գազի և խմելու ջրի չվճարման դիմաց անջատումներ չեն լինելու։ Այս մասին ի պատասխան ֆեյսբուքյան օգտատերերից մեկի հարցին, որ մարտ-ապրիլ ամիսների կոմունալները պետությունը պետք է հոգա, ինչպե՞ս է օրավարձով աշխատողը վճարելու, ասաց ՀՀ վարչապետ Նիկոլ Փաշինյանը:
«ՀԾԿՀ-ն այս վճարումների մասով իրավիճակը հայտարարել է ֆորսմաժոր, ինչը նշանակում է, որ չվճարումների հետ կապված անջատումներ չեն լինի: Ինչ վերաբերում է հետագա վճարումներին, սոցիալական աջակցության միջոցառումներ ենք իրականացնում, կհետևենք այդ միջոցառումների իրականացման էֆեկտիվությանը և ըստ անհրաժեշտության այդ որոշումների մեջ կկատարենք կարգավորումներ, որ հնարավորինս էֆեկտիվ լինի, և մեր քաղաքացիները անսպասելի առաջացած սոցիալական դժվարությունները կարողանան առավելագույն էֆեկտիվությամբ հաղթահարեն»,- ասաց նա:
Աղբյուրը՝ tert.am
