Եղանակային ցուրտ պայմաններն անմիջական ազդեցություն ունեն մեր կենսակերպի, ինչպես նաև առողջության վրա:
0-ից ցածր ջերմաստիճանի ժամանակ կարող են արձանագրվել հիպոթերմիայի (մարմնի ընդհանուր սառեցումն է, որը զարգանում է ցածր ջերմաստիճանի տևական ազդեցության հետևանքով) և ցրտահարության դեպքեր:
Ռիսկի խմբում են տարեցները, ցուրտ եղանակին դրսում աշխատող մարդիկ, ալկոհոլ չարաշահող անձինք, պատշաճ կերպով չջեռուցվող սենյակներում գտնվող երեխաները:
Նշանների առկայության դեպքում անհրաժեշտ է հնարավորինս արագ դիմել բժշկի, տուժածին տեղափոխել տաք սենյակ կամ տարածք, հանել խոնավ հագուստը, տուժածին ծածկել տաք ծածկոցով, ցրտահարված վերջույթները ընկղմել գոլ ջրի մեջ։